தமிழ் பழமொழிகள் | Tamil Proverbs part 4

1.  இட்டு கெட்டாருமில்லை ஈயாமல் வாழ்ந்தாருமில்லை
   

   பொருள்: பிறருக்கு தான தர்மங்களை வழங்கி அழிந்தவருமில்லை, அவற்றை வழங்காமல் வாழ்ந்தவருமில்லை. 

2. கோழையான வீரன் ஆயுதத்தின் மீது குறை சொல்வான்
   

   பொருள்: தனது திறமையின்மையை மறைக்க பிறவற்றை சிலர் குறை கூறுவர்.

3. உறவு போகாமல் கெட்டது கடன் கேட்காமல் கெட்டது
   

   பொருள்: உறவினர்கள் வீட்டிற்கு செல்லாமல் இருந்தால் உறவு நீடிக்காது. கொடுத்த கடனை கேட்காமல் விட்டுவிட்டால் அதை திரும்ப பெற முடியாது.

4. ஊதாரிக்கு பொன்னும் துரும்பு
   

   பொருள்: சேமிக்காமல் செலவு செய்பவர்களுக்கு எந்த ஒன்றின் மதிப்பையும் அறிய மாட்டார்கள். 

5. ஏணி கழிக்கு கோணல் கொம்பு வெட்டலாமா
   

   பொருள்: ஒரு விடயத்தை செய்வதற்கு தெளிவான திட்டமிடல் அவசியம்.

6. செக்கை வளைய வரும் எருதுகள் போல
   

   பொருள்: எந்த ஒரு உத்வேகமும் இல்லாமல் ஒரே மாதிரியான செயல்களை செய்பவர்களை குறிக்கிறது. 

7. சேர இருந்தால் செடியும் பகை
   

   பொருள்: யாருடனும் அதிக நெருக்கத்துடன் இருந்தால் அங்கே பகை உண்டாவதற்கு வாய்ப்புகள் அதிகம்.

8. தழைத்த மரத்திற்கு நிழல் உண்டு
   

   பொருள்: பக்குவம் பெற்ற ஒருவரால் எல்லோருக்கும் நன்மை ஏற்படும்.

9. துணை போனாலும் பிணை போகாதே
   

   பொருள்: ஒருவர் யாருக்கும், எதற்கும் பிணையாக இல்லாமலிருப்பது நன்று.

10. நெடும்பகலுக்கும் உண்டு அஸ்தமனம்
    

    பொருள்: எல்லாவற்றிற்கும் ஒரு முடிவுண்டு என்பதை குறிக்கிறது.